Luan Rama dha dorëheqjen nga të gjitha funksionet drejtuese në Lëvizjen Socialiste për Integrim, ndërsa do i rikthehet profesionit të vjetër; gazetarisë. Luan Rama, pas një karriere rreth 30 vitesh në politikë, i rikthehet gazetarisë me emisionin “DREJT” në RTV ORA.
Jo vetëm politikë dhe debat, por duke trajtuar edhe atë ç’ka të tjerët e anashkalojnë. Pa dorashka, Luan Rama pritet të dalë para publikut çdo të hënë e të enjte.
Në fund të muajit gusht, Luan Rama u largua nga të gjitha funksionet në LSI. Pas humbjes në zgjedhjet e 25 prillit, ku nuk arriti të marrë mandatin e deputetit në Vlorë, qark të cilin e drejtonte, zv. kryetari i LSI Luan Rama është larguar nga të gjitha funksionet në LSI. Ai nënvizonte ndër të tjera se mbante përgjegjësi si drejtues qarku në Vlorë, edhe në rast se nuk është përgjegjës për këtë humbje.
