Në nisjen e ri të sesionit parlamentar të Kuvendit të Shqipërisë, kreu i PD-së Lulzim Basha është shprehur se jemi kthyer në vendin e krimit, duke kujtuar zgjedhjen e kryeprokurores në dhjetor të vitit të kaluar.
Sipas Bashës, të gjithë veprimet e fundit në mbylljen e çështjeve shqetësuese, si rasti “Tahiri” ka një prapavijë të qartë, ndërsa si kryesori i kësaj kapje është kryeministri dhe njëherësh kryeprokurori i vetëemëruar është Edi Rama.
Për Bashën, pas zgjedhjes së kryeprokurores së përgjithshme qëndron Rama, ndërsa lirimi i Sotës dhe kthimi i pasaportës së Tahirit janë një ndër shembujt e kapjes së drejtësisë. Kreu i opozitës, Basha theksoi se qindra e mijëra shqiptarë janë të zhgënjyer, ndonëse ritheksoi se azilkërkimi është një plagë e madhe.
Deklarata e Bashës në Parlament
Kthehemi pas një muaji në vendin e krimit. Ku një muaj më parë këtu u kap drejtësia dhe prokuror është vetëm një njeri. Kjo rrugë është aleanca me krimin për të mbajtur pushtetin dhe paprekshmërinë e kriminelëve. Rama përmes shkeljes së Kushtetutës mbron të paprekshmit të tij, krimin dhe korrupsioni . Kjo është një autokrtaci.Qëllimi i kapjes së prokurorit janë të qarta për këdo. Tashmë kemi kurorëzimin e Ramës si kryeprokuror, përmes një votimi antiligjor, iu hap rruga Saimir Tahirit, ndërsa Sota u lirua. Tani po behën përpjekje për të mbrojtur Dakon, dhe Qazim Sejdinin, i cili goditi dhe dhunoi policinë e shtetit.
Trafiku i drogës dhe Emiljano Shullazi me shokë, këto janë aktet e para të kapjes së prokurorisë dhe emërimin e Ramës në krye të prokurorisë. Asnjë nga këto akte nuk janë rastësi, por veprime të kontrolluara politikisht ngfa kryeministri. Raporti ndërkombëtar, si cia, është kthyer në një narko htet me drejtësi të brishtë, vrasja, tritolet në qytete janë mizori. Sot është grabitur një bankë në mes të qytetit. Dje u vra një person dhe një tjetër është polagosur. Vrasje dhe grabitje banessash në Krujë dhe Fushë Krujës.
Ekonomia është në kolaps, biznesi është në depresion dhe kjo është një shenjë jo e mirë në këtë drejtim, besimi i konsumatorit te ekonomia, shumë biznese mbyllen aktivitetin sepse falimentuan për shkak të reprezaljes nga qeveria. Një në dhjetë fëmijë në Tiranë dhe në Shqipëri konsumojnë një vakt në ditë. Shqiptarët janë në numrin më të madh sa i përket kërkimit të azilit në Francë. Ky shtet përmes dhunimit të mbronj peshqit e mëdhenj. Kryeministri mbron me çdo kusht bandat. Ne jemi këtu që t’ju themi se mos e lini Shqipërinë në dorë të “Habilajve” dhe ta shpëtojmë njëherë e mirë nga paligjshmëria.
