Pas takimeve me anëtarët e Këshillit Politik të Reformës Zgjedhore, ambasadorja Yuri Kim ka zhvilluar edhe një takim me kryetarin e Kuvendit, Gramoz Ruçi.
Takimi u mbajt në zyrën e kryeparlamentarit, në Kryesinë e Kuvendit. Raportohet se diskutimi kryesor në këtë takim ka qenë rreth Reformës Zgjedhore.
Ndërkohë, në një njoftim të Kuvendit thuhet se: “Gjatë takimit u diskutua mbi ecurinë e reformës zgjedhore, të reformës në drejtësi dhe të procesit të integrimit evropian të Shqipërisë, pas momentit historik të vendimit për çeljen e negociatave nga Bashkimi Evropian. Suksesi i reformës zgjedhore dhe i reformës në drejtësi është jetik për ecjen përpara të Shqipërisë, zhvillimin e vendit, konsolidimin e demokracisë dhe suksesin e proceseve integruese”.
