Kryetari i Partisë Demorkatike Lulzim Basha, ka akuzuar kryeministrin Edi Rama, në lidhje me vendimin e mazhorancës, për të votuar ditën e sotme për kreun e ri të Autoritetit të Medias Audiovizive (AMA).
Sipas tij, Rama duhet të dëgjonte këshillat e BE dhe OSBE të cilat kërkuan që votimi të shtyhej për në muajin shtator, por kreu i qeverisë nuk i mori parasysh institucionet europiane.
Basha tha se kjo që po bën Rama nuk është forcë, por harbutëri në dëm të të gjithë shqiptarëve dhe të Shqipërisë.
“E ka fajin Europa” llomotit poshtë e lart, për të fshehur dështimin e tij dhe pengimin e Shqipërisë. Por sapo i jepet një shans për të vepruar në shërbim të interesave të vendit, sikurse kërkuan BE dhe OSBE, zgjedh të bëjë të kundërtën, duke hedhur poshtë thirrjen e partnerëve për të shtyrë në shtator votimin për AMA. Kjo nuk është forcë, po harbutëri në dëm të të gjithë shqiptarëve dhe të Shqipërisë.”, shkruan Basha në rrjetin social, Twitter.
“E ka fajin Europa” llomotit poshtë e lart, për të fshehur dështimin e tij dhe pengimin e Shqipërisë. Por sapo i jepet një shans për të vepruar në shërbim të interesave të vendit, sikurse kërkuan BE dhe OSBE, zgjedh të bëjë të kundërtën,
— Lulzim Basha (@lulzimbasha_al) July 7, 2021
Pak para votimit për kreun e AMA-s në Kuvend, delegacioni i Bashkimit Europian në Shqipëri u ka bërë thirrje ligjvënësve shqiptarë ta shtyjnë këtë procedurë bashkë me emërimin e anëtarëve të bordit të këtij autoriteti në muajin shtator, nisur nga akuzat e opozitë se maxhoranca po tenton ta kapë këtë institucion.
Në garë për kreun e AMA-s janë Alketa Dibra dhe Armela Krasniqi. Opozita akuzon qeverinë Rama po favorizon kandidaturën e kësaj të fundit.
