Kryetari i Partisë Demokratike, Lulzim Basha ka reaguar pas vendimit të Gjykatës Kushtetuese, për pezullimin e ndërtimit të Teatrit të ri Kombëtar, si dhe shfuqizimin e vendimit për kalimin në pronësi të Bashkisë Tiranë të godinës së Teatrit.
Përmes një postimi në shkurtër në rrjetet sociale, Basha u shpreh se Gjykata Kushtetuese foli, dhe se rradhën tashmë e ka Prokuroria e Posaçme Anti Korrupsion (SPAK).
”Gjykata Kushtetuese foli, radhën e ka SPAK! #atykuishteashtusiçishte’’, shkruan Bashan ë rrjetin social Facebook, teksa krahas shkrimit të tij, ka postuar edhe foto nga Teatri Kombëtar para se të shembej.
Çfarë vendosi Gjykata Kushtetuese
- Pranimin pjesërisht të kërkesës së Presidentit Ilir Meta.
- Shfuqizimin e ligjit nr. 37/2018 “Për përcaktimin e procedurës së veçantë për vlerësimin, negocimin dhe lidhjen e kontratës me objekt “Projektimi dhe realizimi i projektit urban dhe godinës së re të Teatrit Kombëtar””, si i papajtueshëm me Kushtetutën.
- Shfuqizimin e vendimit nr. 377, datë 08.05.2020 të Këshillit të Ministrave “Për kalimin në pronësi të Bashkisë Tiranë, të pasurisë nr.1/241, me emërtimin “Teatri Kombëtar”, në zonën kadastrale 8150, Tiranë”, si i papajtueshëm me Kushtetutën.
- Rrëzimin e kërkesës për shfuqizimin e vendimit nr. 50, datë 14.05.2020 të Këshillit Bashkiak Tiranë, Bashkia Tiranë, “Për miratimin e shembjes së godinës të “Teatrit Kombëtar”, në pronësi të Bashkisë Tiranë, bazuar në Akt – Ekspertizën e hartuar nga Instituti i Ndërtimit “Mbi vlerësimin e godinës së Teatrit Kombëtar”, si i papajtueshëm me Kushtetutën.
- Pezullimin e zbatimit të ligjit nr. 37/2018 dhe VKM-së nr. 377/2020 deri në hyrjen në fuqi të vendimit përfundimtar të Gjykatës Kushtetuese.
