Kryetarja e LSI-së, Monika Kryemadhi është shprehur sot për mediat se vendimin për Ilir Metën e priste që në muajin mars. Ndër të tjera ajo tha se vendimi i Gjykatës Kushtetuese i dha fund thashethemeve se Meta është në një koalicion me Bashën. Po ashtu, Kryemadhi e shikon të ardhmen e Metës më tej se LSI.
Jeni gëzuar për Metën si bashkëshort apo president?
“Dëshirë kisha që Meta të kthehej në politikë në habitatin e tij, vendimin e prisja në mars. Lëvizja i ka dhënë fund thashethemeve të Ramës që është me bravën. Kostumi i LSI-së Metës i qendron ngusht, është më shume se aq”.
Ilir Meta do të vijojë të jetë president i vendit deri në përfundim të mandatit të tij më 24 korrik 2022. Gjykata Kushtuese ka vendosur mbrëmjen e të mërkurës që të mos pranojë kërkesën e Kuvendit për shkarkimin e Ilir Metës, duke thënë se Presidenti nuk ka kryer “shkelje të rënda të Kushtetutës” dhe për këtë arsye nuk vendos për shkarkimin e tij. Kështu vendosën 6 anëtarë të ‘Kushtetueses’ të cilët votuan kundër shkarkimit dhe vetëm një anëtar votoi pro, vetëm Altin Binaj.
