Tre shtetasit, Eduart Xhezo, Emilent Dhepa, Lulzim Demiraj të cilët ushtruan dhunë ndaj një të burgosuri dhe gardianëve në një burg të Vlorës, nuk janë emra të panjohur.
Të tre këta shtetas janë të dënuar më parë për krime të rënda. Lulzim Demiraj akuzohet për një ngjarje të ndodhur në vitin 2018, ku 43-vjecari kaq qëlluar me automatik ndaj dy shtetasve. Ai plagosi pronarin e pikës së këmbimit valutor Gëzim Hoxha dhe ka vrarë 54-vjeçarin, Agur Vrenozi.
Ndërsa Eduard Xhezo është arrestuar nga policia në nëntor të 2019 për vrasjen e biznesmenit Arben Beqiraj ndodhur më 4 gusht 2019. Ai akuzohet për “vrasje në rrethana cilësuese”dhe “mbajtja pa leje e armëve shpërthyese dhe municionit.
Arben Beqirajt u qëllua në lokalin e tij me disa plumba në trup. 34-vjeçari Xhezo, pas një konflikti që kishte pasur me biznesmenin dhe të birin e tij, është kthyer për t’u hakmarrë duke qëlluar në drejtim të tyre me breshëri automatiku. Thuhet se shkak është bërë kalimi i Xhezos me kalë para biznesit të tij.
Ndërsa Emilent Dhepa është dënuar me 12 vjet heqje lirie, pasi është konsideruar si superhajduti i dyqaneve në Tiranë. Emilent Dhepa, 38 vjeç, ishte i papunë dhe të vetmin burim për të siguruar të ardhurat e familjes kishte gjetur grabitjen e dyqaneve të ndryshme në disa zona të Tiranës. Për të realizuar grabitjet ku operonte i vetëm, 38-vjeçari përdorte armë.
