Vrasësit serialë, kanë ekzistuar që nga agimi i historisë njerëzore. Por vrasësi i parë serial i njohur nga historia, ka qenë një grua:Lokusta e Romës.
E lindur në një fshat të Galisë (Franca e sotme) në shekullin I të Erës Sonë, Lokusta ishte një “studente” ambicioze e përgatitjes së helmeve.
Një ditë u zhvendos nga Galia për në Romë, ku çeli aktivitetin e saj. Ajo helmoi fillimisht perandorin romak Klaud, me urdhër të gruas së tij, Agripina.
Më pas me urdhër të perandorit të ri, Neronit, helmoi vëllain e këtij të fundit, Britanikusin që ishte pretendent për fronin. Neroni ia shpërbleu me një pasuri të madhe aftësitë e saj helmuese. Madje e lejoi të hapte një shkollë, për t’u mësuar të tjerëve prodhimin e helmeve. Për një kohë të shkurtër, Lokustës iu dha leja të vriste të gjithë ata që donte.
Por mbretërimi i Neronit nuk zgjati shumë. Pas vetëvrasjes së këtij të fundit, Lokusta u dënua me vdekje me prerje, koke nga perandori pasues Galba.
