Këngëtarja e njohur me origjinë shqiptare, Ava Max, ndau sot me ndjekësit e saj lajmin e trishtë për ndarjen nga jeta të gjyshit të saj.
26-vjeçarja, emri i vërtetë i së cilës është Amanda Koçi, ndau në rrjetet sociale një mesazh prekës për gjyshin e saj, Dionis Koçi.
“Sot dhe çdo ditë do nderoj gjyshin tim të mrekullueshëm, Dionis Koci. Sot ai ndërroi jetë ndërsa po flinte. Ndërsa po shkruaj këtë postim, zemra ime është copëtuar në miliona pjesë, por dua të ndaj këto fotografi të bukura të tij nga Shqipëria duke bërë atë që donte. Ai ishte humorist dhe aktor. E dija që dashurinë time për skenën e kam marrë prej tij. Ai ishte shpirti më i çiltër, personi që gjithmonë të gëzonte, personi që do të hiqte bluzën për ta dhënë ty. Do ta kujtoj gjithmonë kështu gjyshin tim. Ti më dhe krahë për të performuar dhe qëndrove në jetë aq gjatë sa për të parë të publikohej albumi im. E di që do të jesh në atë skenë me mua. Të dua”, shkruan këngëtarja.
Mirëpo, gjyshi i saj nuk ishte një emër krejtësisht i panjohur për publikun shqiptar. Dionis Koçi ka interpretuar te filmi i vitit 1961 ‘Debatik’. Ai luan rolin e ushtarit italian të cilit Coli i çon breshka.
Ava Max është këngëtarja shqiptare e cila ka nisur karrierën e saj muzikore jashtë vendit. Ajo ka lindur në SHBA, ku prindërit e saj kishin shkuar nga Saranda, ndërsa tash po bën karrierë në Britani të Madhe, ku është zhvendosur bashkë me ta.
Disa nga projektet e saj muzikore janë: ‘My Ëay’, ‘Sëeet but Psycho’ etj. Ajo njihet edhe për bashkëpunimin e suksesshëm me Jason Derulon dhe Vice, në këngën ‘Make up’.
