Një vrasës që po lufton deportimin duke kërkuar të drejtat e tij për të pasur një familje të lumtur, është kapur në video duke mbajtur një thikë në fytin e gruas së tij.
Kështu nis artikulli i “The Sun” për shqiptarin Ardian Rragami, 47 vjeç i cili ka vrarë një njeri në Shqipëri dhe së fundmi ka terrorizuar gruan e tij angleze.
Kjo e fundit deklaroi se jeton me frikë qëkur ai e sulmoi me thikë, si dhe bën thirrje që të deportohet sa më parë.
Rragami ka thënë se deportimi në Shqipëri do të ndante familjen e tij të lumtur që ka në Britani, me gruan dhe dy vajzat. Shqiptari ka hyrë në Britani në mënyrë të jashtëligjshme, raporton The Sun.
Videoja shokuese teksa ai i afrohet bashkëshortes me thikë në duar duke ia vënë atë në fyt, është filmuar nga mbesa e tij muajin e kaluar. Rragami i ka ngulur thikën bashkëshortes në nofull.
Ai është arrestuar pasi është dënuar me 12 muaj burgim, por e shoqja vijon të jetë e trembur. Ajo thotë se ka ndërruar shtëpinë që Rragami të mos e gjente./Përshtati Tirana Today
