Të paktën 25 vetë kanë vdekur dhe 50 të plagosur pasi një aksident i trenave shkaktoi një zjarr të madh në stacionin kryesor të hekurudhës të Kajros. Treni goditi një ndalesë pranë fundit të një platforme të zënë në Ramses Station, e cila është në qendër të qytetit.
Përplasja shkaktoi shpërthimin e rezervuarit të karburantit të trenit. Shkaku i përplasjes ende nuk është i qartë, por vetëm disa orë më vonë Ministri i Transportit Hisham Arafat dha dorëheqjen.
Gjatë një vizite në vendngjarje, Kryeministri Mostafa Madbouli u zotua të dënojë ashpër të gjithë ata që janë treguar neglizhues.
“Ne do të identifikojmë se kush është përgjegjës për aksidentin dhe ata do të mbajnë përgjegjësi”, tha ai.
Ndërkohë, presidenti Abdul Fattah al-Sisi u shprehu ngushëllimet e tij familjeve të atyre që vdiqën dhe u zotua të sigurojë që të plagosurit të merrnin mbështetjen që duhej.
Një dëshmitar tha: “Isha duke qëndruar në platformë dhe pashë shpejtësinë e trenit në pengesë. Të gjithë filluan të vraponin, por shumë njerëz vdiqën pasi lokomotiva shpërtheu”./ Përshtati Tirana Today
