Kreu i Lëvizjes “Vetëvendosje”, dhe kryeministri i mandatuar i Kosovës, Albin Kurti, është takuar mbrëmjen e sotme në Tiranë me kryeministrin Rama.
Takimi mes dy palëve ka nisur prej orës 18:30, dhe vijon ende. Biseda mes Kurtit dhe Ramës po zhvillohet në zyrën e këtij të fundit, në Kryeministri.
Albin Kurti ka shkuar pa eskortë shoqëruese në ambientet e Kryeministrisë. Më herët, Albin Kurti ka thënë për mediat në Kosovë se me Ramën do të diskutojnë shumë tema, por pa specifikuar asgjë më konkretisht.
