Kryeministri i Kosovës Albin Kurti në një lidhje direkte me emisionin “Opinion” foli në veçanti për të dërguarin e posaçëm të Shteteve të Bashkuara të Amerikës për dialogun Kosovë-Serbi, Richard Grenell.
Kurti gjatë deklaratës së tij theksoi se Grenell ndryshoi pasi vizitoi Serbinë.
“Nganjëherë e kanë kapelën e njohjes nganjëherë e kanë kapelën e ndërmjetësusit, kur shkojnë në linjën Prishtinë-Beograd dhe këtë duhet ta kuptojmë. Kur kemi të bëjmë me ambasadorin Grenell ai vinte si emisar ndërmjetësues dhe besoj se është dashur t’i thuhet qëndrimi zyrtar i shtetit të Kosovës.
Është e vërtetë që kam qenë në komunikim intensiv me të, ku Grenell ka pasur qëndrim që Kosova duhet ta heqë taksën dhe Serbia ta ndalë fushatën e çnjohjeve, këtë të dytën e pushoi pas një vizite që kishte në Serbi.
Kam vazhduar të komunikoj me të në mënyrë pozitive dhe konstruktive.
Ambasadori Grenell është emisar i caktuar nga presidenti Trump dhe e kishte më të rëndësishme kohën e arritjes së marrëveshjes sesa përmbajtjen e saj”, tha ai.
