Tirana Today
  • Fillimi
  • Kryesore
  • Aktualitet
  • Politikë
  • Ekonomi
  • Opinion
  • Rajoni
  • Bota
  • Showbizz
  • Sport
  • Kulturë
  • Kuriozitete
  • Teknologji
  • Vox Pop
  • Media Marketing
No Result
View All Result
  • Fillimi
  • Kryesore
  • Aktualitet
  • Politikë
  • Ekonomi
  • Opinion
  • Rajoni
  • Bota
  • Showbizz
  • Sport
  • Kulturë
  • Kuriozitete
  • Teknologji
  • Vox Pop
  • Media Marketing
No Result
View All Result
Tirana Today
No Result
View All Result
Home Shqipëria Aktualitet

Kurti e Mustafa sot projektojnë pamjen e qeverisë së re

6 vjet ago
in Aktualitet, Kryesore, Shqipëria, Të Gjitha, W-Instant
Kurti e Mustafa sot projektojnë pamjen e qeverisë së re

Kreu i Lëvizjes Vetëvendosje, Albin Kurti, dhe ai i Lidhjes Demokratike të Kosovës, Isa Mustafa, pritet të takohen sot për t’i dhënë fund negociatave rreth arritjes së koalicionit qeverisës. Në takimin e sotëm dy liderët do ta projektojnë planin e qeverisë së ardhshme, për të cilën partnerët e mundshëm të koalicionit janë optimistë se marrëveshja mund të arrihet së shpejti, madje qysh në fillim të javës së ardhshme.

Pas takimit të së enjtes që patën kreu i Lëvizjes Vetëvendosje Albin Kurti me atë të Lidhjes Demokratike të Kosovës Isa Mustafën, dje grupet punuese të të dyja subjekteve politike e zhvilluan një takim tjetër, i cili i ka finalizuar çështjet programore për të cilat nuk ka pasur dakordim të plotë mes tyre. Madje përfaqësuesit e grupeve punuese të LVV-së kanë deklaruar se marrëveshja është gati të arrihet dhe se kjo pritet të ndodhë në fillim të javës së ardhshme.

Ndonëse edhe nga LDK-ja e kanë konfirmuar dakordimin mes tyre, ata janë shprehur më të rezervuar sa i përket datës së mundshme të koalicionit. Përfaqësuesit e LDK-së kanë theksuar se marrëveshja do të arrihet pasi të ndahen përgjegjësitë qeverisëse, gjë e cila pritet të ndodhë sot në takimin mes Kurtit e Mustafës. Nga këto dy subjekte kanë vlerësuar se të gjitha çështjet që kanë mundur t’i ndajnë si ajo e postit të presidentit, tashmë janë tejkaluar, duke pohuar kështu se nuk ka gjë që e parandalon koalicionin LVV – LDK.

 

LVV: Marrëveshja arrihet në fillim të javës

Përfaqësuesja e Lëvizjes Vetëvendosje, Albulena Haxhiu, pas takimit që pati me përfaqësuesit e LDK-së, u shpreh se të dyja grupet kanë arritur pajtueshmëri të plotë sa i përket programit dhe se shumë shpejt do të arrihet marrëveshja. “Pas takimit që kishim me përfaqësuesit e LDK-së mund të them me përgjegjësi të plotë se të gjitha çështjet në kuptimin programor që i kemi pasur dhe për të cilat nuk kemi pasur një pajtim më herët sot janë finalizuar. Mund të them se sa i përket programit qeverisës ne kemi arritur pajtim 100%”, ka thënë ajo.

Haxhiu ka theksuar se pjesë e diskutimeve nuk ka qenë as pozita e presidentit të vendit, as e kryeparlamentarit dhe as ajo e ministrit të Punëve të Jashtme. Ajo ka theksuar se fillimi i javës së ardhshme mund ta sjellë marrëveshjen LVV – LDK. “Për çështjet që kanë të bëjnë me ndarjen e përgjegjësive besoj se para të hënës do të ketë takim ndërmjet kryetarëve, gjegjësisht nesër. Jemi optimistë se marrëveshja do të nënshkruhet në fillim të javës së ardhshme dhe me kaq përfundon edhe puna e grupeve punuese dhe takimet mes kryetarëve”, ka deklaruar ajo, shkruan tutje Zeri

 

Haxhiu, e cila është optimiste që shumë shpejt do të arrihet marrëveshja LVV – LDK, ka theksuar se do ta presin presidentin Thaçi që ta thërrasë seancën konstituive të Kuvendit, në të kundërtën ajo thotë se sipas Rregullores së Kuvendit dhe Kushtetutës së Kosovës deputetët kanë të drejtë të mblidhen vetë nëse një gjë të tillë nuk e bën presidenti. “Pas marrëveshjes e dini që varemi prej thirrjes së seancës nga ana e presidentit Thaçi, i cili i ka në dispozicion 30 ditë. Por në qoftë se ka vullnet në këtë kuptim ai do të duhej që seancën konstituive ta thërrasë shumë shpejt”, ka deklaruar ajo.

 

Haziri: Pas ndarjes së përgjegjësive arrihet marrëveshja

Përfaqësuesi i LDK-së në negociatat me Vetëvendosjen, Lutfi Haziri, pas takimit ka thënë se të dyja gupet punuese kanë arritur t’i përmbyllin çështjet që lidhen me kornizën e draftmarrëveshjes së koalicionit mes LDK-së e Vetëvendosjes. Përmes kësaj pune që është bërë, Haziri theksoi se është ndërruar standardi i ndërtimit të koalicioneve dhe kultura e bashkëpunimit nga e kaluara. Ai pohoi se nuk ka çështje që e parandalon ose e përshkallëzon raportin e ndërtuar LDK – LVV. Ai ka thënë se planprogrami ka qenë hapi i parë drejt marrëveshjes, ndërsa hapin e dytë, i cili ka të bëjë me ndarjen e përgjegjësive, do ta kryejnë dy liderët e partive. “Grupet punuese kanë arritur t’i përmbyllin çështjet që lidhen me draftmarrëveshjen e koalicionit. Pjesa tjetër e punës besoj se është hap, i cili do të përmbyllet pa asnjë lloj problemi. Të gjitha çështjet që lidhen me strukturën qeverisëse me 12 ministra dhe me një zëvendëskryeministër do të vendoset tash nga liderët”, ka deklaruar ai.

Haziri theksoi se edhe çështja e presidentit, e kryetarit të Kuvendit dhe ajo e ministrit të Punëve të Jashtme janë çështje që do të zgjidhen në negociatat e drejtpërdrejta mes partnerëve pa asnjë lloj problemi. Ai deklaroi se sapo të arrihet marrëveshja e ndarjes së posteve do të nënshkruhet marrëveshja pa vonesa. “Asnjë punë nuk do të lihet më vonë, çështja e presidentit nuk është çështje që na dallon, por është diçka që tashmë është tejkaluar. Ndarja e përgjegjësive është hapi i dytë, që do ta bëjnë liderët e partive në takimin e radhës. Ne synojmë një arritje të marrëveshjes shumë shpejt, pra është çështje ditësh. Ne jemi të gatshëm që sapo të finalizohet hapi i dytë i marrëveshjes t’i realizojmë të gjitha obligimet tona brenda afateve ligjore e kushtetuese”, ka deklaruar Haziri.

Tutje Haziri ka folur edhe për minoritetet dhe për Listën Serbe. Ai ka shtuar se do t’i respektojnë të gjitha të drejtat kushtetuese të minoriteteve. Ndërsa se çfarë statusi do të ketë Lista Serbe në Kuvend, Haziri ka thënë se është çështje e vendosur tashmë, duke shtuar se pjesë e Qeverisë do të jetë një ministër serb dhe një ministër nga minoritetet tjera.

 

KQZ-ja njofton presidentin për rezultatet zgjedhore

Komisioni Qendror i Zgjedhjeve gjatë të premtes e ka njoftuar zyrtarisht presidentin e vendit Hashim Thaçin për rezultatet zgjedhore të 6 tetorit. Zëdhënësi i KQZ-së, Valmir Elezi, ka thënë se gjatë ditës së djeshme presidentit i është dërguar shkresa njoftuese e rezultateve. “Komisioni Qendror i Zgjedhjeve e ka njoftuar presidentin e Republikës së Kosovës Hashim Thaçin lidhur me certifikimin e rezultateve përfundimtare të zgjedhjeve të parakohshme për Kuvendin e Republikës së Kosovës, që janë mbajtur me datë 6 tetor”, ka deklaruar ai.

Elezi bëri të ditur se presidentit i është dërguar edhe një kopje e rezultateve të certifikuara edhe për kandidatët për deputetë që kanë marrë pjesë në zgjedhje. “Së bashku me shkresën njoftuese Komisioni Qendror i Zgjedhjeve ia ka bashkangjitur edhe një kopje të rezultateve të certifikuara. Pra, për të gjitha subjektet politike dhe për kandidatët që kanë marrë pjesë në këto zgjedhje”, ka shtuar ai.

KQZ-ja të mërkurën e ka bërë certifikimin e rezultateve të zgjedhjeve të 6 tetorit. Partia me më së shumti vota është Lëvizja Vetëvendosje, e dyta LDK-ja, e treta PDK-ja, pas PDK-së vjen koalicioni AAK – PSD, pas tyre Lista Serbe dhe koalicioni Nisma – AKR – PD./ZERI

Tags: Albin KurtiIsa Mustafakosove

TË LIDHURA

Vdekja e elektriçistit në Divjakë, arrestohen dy elektricistët e OST dhe OSHEE
Aktualitet

Vdekja e elektriçistit në Divjakë, arrestohen dy elektricistët e OST dhe OSHEE

22:50 | 30/05/2025
“Trafik armësh Kosovë-Shqipëri, 10 të arrestuar — reagon drejtori i Policisë”
Aktualitet

“Trafik armësh Kosovë-Shqipëri, 10 të arrestuar — reagon drejtori i Policisë”

22:41 | 30/05/2025
Grabitje në rrugë dytësore pranë autostradës, taksisti denoncon pasagjerin
Aktualitet

Grabitje në rrugë dytësore pranë autostradës, taksisti denoncon pasagjerin

21:33 | 30/05/2025
Next Post
Njihuni me parashikimin e motit për fundjavën

Njihuni me parashikimin e motit për fundjavën

‘Janë dëmtuar kolonat’. Banorët e pallatit në Tiranë mes ankthit dhe frikës

‘Janë dëmtuar kolonat’. Banorët e pallatit në Tiranë mes ankthit dhe frikës

Rama zbulon vendimet e qeverisë pas tërmetit

Rama zbulon vendimet e qeverisë pas tërmetit

JU REKOMANDOJMË

Vrasje makabër/ 35-vjeçari mbyt ish-të dashurën, e fut trupin në bagazh dhe e hedh në një lumë me piranja

Vrasje makabër/ 35-vjeçari mbyt ish-të dashurën, e fut trupin në bagazh dhe e hedh në një lumë me piranja

18:18 | 27/05/2025
Macron goditet nga gruaja në sy të të gjithëve? Videoja që po bën xhiron e rrjetit

Macron goditet nga gruaja në sy të të gjithëve? Videoja që po bën xhiron e rrjetit

16:42 | 26/05/2025
Egli nuk ndalet, ben paralajmërimin e papritur, ja për çfarë bëhet fjalë

Egli nuk ndalet, ben paralajmërimin e papritur, ja për çfarë bëhet fjalë

19:50 | 29/05/2025
“Etrit Berisha hero: Pret dy penallti dhe shënon, fiton Kupën”

“Etrit Berisha hero: Pret dy penallti dhe shënon, fiton Kupën”

19:55 | 29/05/2025




TË FUNDIT

‘Kush tha që nuk jemi bashkë?’ Gjesti konfirmon romancën me Egli Takon?
Showbizz

‘Kush tha që nuk jemi bashkë?’ Gjesti konfirmon romancën me Egli Takon?

by mirseda
22:54 | 30/05/2025
0

Besart Kelmendi, i njohur për publikun si Gjesti, ka reaguar për herë të parë pas shumë zërave...

Vdekja e elektriçistit në Divjakë, arrestohen dy elektricistët e OST dhe OSHEE

Vdekja e elektriçistit në Divjakë, arrestohen dy elektricistët e OST dhe OSHEE

22:50 | 30/05/2025
Horoskopi 19 Mars 2024

Horoskopi ditor për nesër, e Shtunë 31 Maj 2025

22:47 | 30/05/2025
“Trump: Harvard nuk është sjellë mirë, duam studentë të huaj pa probleme”

“Trump: Harvard nuk është sjellë mirë, duam studentë të huaj pa probleme”

22:45 | 30/05/2025
“Trafik armësh Kosovë-Shqipëri, 10 të arrestuar — reagon drejtori i Policisë”

“Trafik armësh Kosovë-Shqipëri, 10 të arrestuar — reagon drejtori i Policisë”

22:41 | 30/05/2025

Tirana Today


© 2024 TiranaToday Dev By: Techzero1.com


© TIrana Today. All rights reserved.

Kontakt

EMAIL : [email protected]

Cel: +355694040005

Follow Us

Tirana Today

© TIrana Today. All rights reserved.

EMAIL : [email protected]

Cel: +355694040005

© 2022 TiranaToday Dev By: wearedope.com

Follow Us

No Result
View All Result
  • Fillimi
  • Kryesore
  • Aktualitet
  • Politikë
  • Ekonomi
  • Opinion
  • Rajoni
  • Bota
  • Showbizz
  • Sport
  • Kulturë
  • Kuriozitete
  • Teknologji
  • Vox Pop
  • Media Marketing

© 2024TiranaToday Dev by : Techzero1.com