Banorët që janë prekur nga pasojat e tërmetit shprehen se ndodhen në gjendje të rënduar psikologjike. Njëri prej tyre u shpreh se në apartamentin e shkatërruar nga tërmeti i 26 nëntorit ishin kursimet e 42 viteve punë.
Ai u shpreh për “Ora News” se kishte vetëm 9 muaj që ishte futur në apartamentin e ri, ndërsa kërkoi nga pronari që t’ia kthejë paratë.
“Vajta për 42 vjet mësues, kurseva si kurseva, 38 mijë euro bleva shtëpi tek isha fabrika e Bukës. 9 muaj që jam futur aty. Është e shkatërruar. Unë e di që qoftë Shqipëria qoftë qeveria janë në hall. Unë nuk dua gjë tjetër veçse t’i marr atij pronarit paratë e mija dhe asgjë tjetër. Do flejë jashtë, veç të më japë paratë e mia dhe të iki. Apartamentet janë shitur si kulla e Parisit”.
