Me një ftesë nga organizata ASSO, themeluesi i fondacionit të bamirësisë “Fundjavë Ndryshe”, Arbër Hajdari, është pritur nga të rinj e të reja, në një atmosferë mjaft të ngrohtë në Detroit.
Kjo ftesë është mirëpritur me mjaft dashamirësi nga drejtori ekzekutiv i fondacionit “Fundjavë Ndryshe”, ku përtej shkëmbimit të mendimeve qëndron pas edhe një kontribut për fëmijët shqiptarë.
Muaj më parë ata kanë organizuar një mbrëmje bamirësie, e cila u konkludua me të ardhura, të cilat janë financuar në një klasë të re për kursin e gjuhës së huaj.
Ky investim është për një periudhë një vjeçare në Qendrën e Solidaritetit “Fundjavë Ndryshe”.
Në klasën e re do të mësojnë 65 fëmijë. Ata do të ndjekin procesin e rregullt mësimor gjatë gjashtë ditëve të javës, duke u dhënë mundësinë që të integrohen dhe me botën jashtë.
Ja se çfarë shkruan Arbër Hajdari:
Në Detroit, me ftesë nga organizata ASSO.
Kënaqësi e veçantë të takohem me të rinj e të reja që kanë sakrifikuar shumë për të ardhur dhe studiuar në SHBA. Disa muaj më parë ata kanë organizuar një mbrëmje bamirësie dhe kanë vendosur që të financojnë një klasë të re për kursin e gjuhës së huaj, për një vit në Qendrën e Solidaritetit Fundjavë Ndryshe.
Në klasën e re do të mësojnë 65 fëmijë, 6 ditë të javës. Faleminderit për mikpritjen.
