Trajneri i Kukësit Skënder Gega, ia ka dalë të mposhtë koronavirusin dhe sot pritet të kthehet në Shqipëri. Tekniku i nënkampionëve të vendit, ka lënë sot klinikën “BHT” në Turqi, pasi analizat e fundit mjekësore treguan përmirësim të ndjeshëm.
Lajmi u dha nga klubi verilindor në faqen zyrtare. Por duke parë ecurinë pozitive, efektin dhe rezultatet pozitive të terapisë, është lejuar të fluturojë drejt Shqipërisë.
Gega po kurohej prej disa ditësh në Turqi, për shkak të komplikimeve që i shkaktoi COVID-19. Ai pritet t’i bashkohet shpejt ekipit.
Njoftimi
Trajneri Skënder Gega ka lënë sot spitalin! Duke parë ecurinë pozitive, efektin dhe rezultatet pozitive të terapisë, doktorët kanë dalë në konkluzion dhe falë progresit pozitiv që ka qenë shumë i shpejtë duke rregulluar të gjitha parametrat, është lejuar të fluturojë drejt Tiranës. Gega mbërrin sot në Rinas në gjendje shumë të mirë shëndetësore dhe shumë shpejt do t’i bashkohet ekipit.
Gega u kurua në BHT Clinic dhe doktori specialist që e ndoqi me shumë përkushtim ishte shqiptari Gersi Alisha. Në emër të klubit të Kukësit e falënderojmë.
