Pas arritjes së marrëveshjes Rama-Basha në orët e para të mëngjesit të sotëm, aleati i kreut të PD-së ka zbuluar se kur do të mbahen zgjedhjet.
Kreu i Partisë Agrare Ambientaliste tha në një prononcim për Ora News se zgjedhjet do të mbahen më 16 korrik, nëse i përmbahen marrëveshjes “McAllister +”.
Gjithashtu, Duka u shpreh optimist se zgjedhjet parlamentare do të jenë me standardet më të mira.
“Mendoj se këto do të jenë zgjedhjet me standardet më të mira. Sipas mendimit tim, nëse i përmbahem paketës “McAllister +”, zgjedhjet do të mbahen më 16 korrik.”
Gjithashtu, Duka do të tërheqë sot ankimimin për listat në Kolegjin Zgjedhor, pasi sipas tij, ky ankimim nuk ka më vlerë me arritjen e marrëveshjes.
