Kryeministri Edi Rama ndodhet sot në Bruksel, atje ku po mbahet takimi “miqtë e Shqipërisë”. Në këtë takim Rama po kërkon me ngulm hapjen e negociatave me BE-në.
Jemi në vitin e pestë të qeverisë Rama dhe akoma nuk janë hapur negociatat. Megjithëse hapjen e negociatave Rama e ka premtuar në muajin shkurt të vitit 2013 kur ishte akoma në opozitë dhe premtoj se do të bëhej realitet brenda vitit të tij të parë qeverisës.
I ftuar në emisionin “Studio e Hapur”, me gazetares Eni Vasili kryeministri nuk pranon se ka bërë një deklaratë të tillë në vitin 2013 kur ishte akoma në opozitë.
Kryeministri bën si i habitur nga pyetja e gazetares dhe thotë, “unë kam thënë se në vitin e parë të qeverisjes do të hapen negociatat? Po si mund ta thosha unë atë kur nuk ishim bërë akoma kandidat? Nga pyetjet që bën mohon që të ketë bërë këto premtime.
Por ato që mohon sot kryeministri ia rikujtojmë në. Në shkurt të vitit 2013 Ditmir Bushati para shqiptarëve bën pikërisht këtë premtim: Marrja e statusit të vendit kandidat dhe fillimi i bisedimeve për anëtarësimin ne BE, brenda vitit të parë të mandatit tonë qeverisës është një objektiv plotësisht i arritshëm për qeverinë tonë progresiste.
Edhe njëherë tjetër Rama kapet mat nga gazetarët. Kujtojmë këtu rastin e gazetarëve italian për reportazhin mbi Bulqizës. Nuk e dimë a do kërkojë këtë herë falje sërish Rama?
Ndërsa për negociatat të gjithë shqiptarët brenda dhe jashtë vendit e dinë fort mirë që akoma nuk janë hapur.
