Kreu i Shtetit, Ilir Meta, i është rikthyer retorikës së ashpër kundër qeverisë, teksa ka apeluar për protesta kundër atij që e quan regjim i dhunës kriminale. Në një postim që e kishte shpërndarë në Facebook, ai lëshonte një thirrje të hapur për t’u ngritur në protesta për demokracinë.
Presidenti bën thirrje për të krijuar një front të përbashkët, kundër asaj që ai e cilëson si tirani. Siç duket, Meta nuk e ka lënë me kaq, ndërsa ka njoftuar për një koferencë për mediat. Ende nuk ka informacione se për çfarë pritet të diskutojë presidenti Meta.
“Sot ne ora 12:00, Presidenti i Republikes Sh.T.Z Ilir Meta do te jape nje konference per mediat. Ftohen mediat per transmetim LIVE!”.
Reagimi i tij vjen në një kohë kur është zbardhur platforma me 14 pika që Meta i ka dorëzuar Ramës, Bashës e ambasadorëve.
Dokumenti është dorëzuar dje nga Meta, në tryezën që pati me krerët e partive opozitare dhe ambasadorët, por një kopje e platformës i është dërguar dhe kryeministrit Edi Rama dhe diplomates Yuri Kim. Dokumenti përmban 14 pika për Reformën Zgjedhore dhe Reformën në Drejtësi.
