Çmimi Nobel për Paqe jepet çdo vit që nga viti 1901. Atë e kanë fituar me të drejtë figura që kanë kontribuar për njerëzimin dhe paqen, si amerikani Martin Luter King apo shqiptarja Nënë Tereza. Por këtij çmimi i janë afruar dhe 3 diktatorët më të egër të historisë: Adolf Hitleri, Josif Stalini dhe Benito Musolini.
I pari që u nominua ishte diktatori italian në vitin 1935, kur sapo kishte pushtuar Etiopinë. Lideri nazist u nominua në vitin 1939 nga një deputet suedez. Po atë vit Fyhreri sulmoi Poloninë, duke shkaktuar nisjen e Luftës së Dytë Botërore.
Ndërkohë diktatori sovjetik do të dominohej 2 herë për këtë çmim në vitet 1945 dhe 1948. Sigurisht, asnjë prej tyre nuk e mori këtë çmim prestigjioz.
Por nominime të tilla të diskutueshme ka pasur edhe më vonë. Edhe shumë fitues, sikurse ishte vjet Nobeli në letërsi për austriakun Peter Handke, janë kontestuar. Kjo tregon se Nobeli, tej famës që ka, është përdorur dhe përdoret në funksion të politikave të caktuara.
TIRANA TODAY
