Presidenti i Kosovës, Hashim Thaçi, në një lidhje “LIVE” me emisionin “Opinion”, është shprehur pro hapjes së kufirit me Shqipërinë, por të realizohet me hapa të planifikuara e të mirëmenduara. Thaçi tha se duhet të ketë një koordinim mes dy qeverive, Kosovës dhe Shqipërisë, ndërkohë që i të njejtit mendim ishte edhe kreu i qeverisë sonë Edi Rama. Kryeministri Rama nga ana tjetër konfirmoi se tashmë janë gati, dhe se po presim të koordinohen edhe në Kosovë që të dinë se çfarë do bëjnë.
Kur do hapet kufiri me Shqipërinë, që të ketë më shumë turizëm si nga ana e Kosovës dhe Shqipërisë?
Thaçi: Në fillim përshëndes Edin. Ju përshëndes edhe juve Blendi dhe teleshikuesve. Por unë mendoj se përsa i përket kësaj çështjeje, duhet të ketë një koordimin mes dy qeverive, të merren hapat e duhur, të planifikuara dhe të mirëmenduara. Dhe të punohet gradualisht për të bërë të mundur hapjen e kufijve, në përpuethshmëri me kushtet aktuale.
Rama: Nuk e dëgjova presidentin, por patjetër, ne jemi gati. Po presim të koordinohen edhe në Kosovë, që të dimë me kë të flasim dhe të dimë se çfarë do bëjmë.
