Sekretari për Çështjet Ligjore në Partinë Demokratike, Çlirim Gjata, ka deklaruar se eurodeputetët duhet të kuptojnë se shqiptarët kërkojnë të njëjtat standarde të vendeve të Bashkimit Evropian.
Teksa akuzon qeverinë për blerje të zgjedhjeve duke përdorur krimin e organizuar, Gjata iu përgjigj edhe ftesës për dialog të Ramës, teksa tha se më 16 mars, 200 mijë shqiptarë kanë për t’i thënë diçka kryeministrit.
Fjala e Gjatës në studion e Ora News:
“Me 16 mars, me 200 mijë shqiptarë, kanë diçka për t’i thënë te kryeministria. Është në mbarim të mandatit të tij politik, nuk ka më çfarë bën.
Lëvizja e opozitës është e qartë, kërkojmë të njëjtat standarde që eurodeputetët kanë në vendet e tyre. Ata nuk i përgjigjen kësaj pyetjeje, që ky popull nuk i ka standardet sic i kanë ata.
Është fatkeqësi të vijë sërish pas 28 vitesh slogani “Rama ik”. Oligarkët bëjnë pastrimin e parave, krimi i organizuar blen ndeshje. Rama s’mund ta bëjë këtë. Nuk arreston dot njeri, se i kanë gjërat në dorë. Kemi një tavolina gangsterësh ku të gjithë mbajnë peng njëri-tjetrin.”
Edhe ish-deputeti demokrat Klevis Balliu i ka kthyer një përgjigje kryeministrit Rama pas ftesës për dialog.
“Sot Edi Rama i ka bërë një ftesë opozitës për të diskutuar, ku do të flasim? Ne do të flasim kur të anulosh projektin këtu te Unaza e Re, kur të ketë zgjedhje të lira, kur ti shkosh para drejtësisë, kur të veshë ato byzylykët. Kam edhe diçka për Knut Fleckenstein, ky ‘niçja’ jonë nuk është filozof, se mos e ke ngatërruar se ky i joni është trafikant. Në 5 mars do të jemi para parlamentit dhe ejani të përgatitur pasi kemi përballë kumbarin e krimit të organizuar. Ejani për ti dhënë atë që meriton atij parlamenti të drogës, vetëm ju e keni fuqinë për ti dhënë atë që meriton. Ejani për ta shkulur krimin e organizuar”, deklaroi ai.