Mbrëmjen e sotme do të protestohet përballë Ministrisë së Brendshme, për vdekjen e Lear Kurtit. Kryetari i Partisë Demokratike, Sali Berisha, ka paralajmëruar për nismën e sotme. Nën moton “Kupa u mbush! Boll më me padrejtësinë, stop ekzekutimit të shqiptarëve”, të rinjtë do marshojnë për të protestuar pas vdekjes së 32-vjeçarit.
Autopsia paraprake doli në konkluzionin se në stomakun e 32-vjeçarit Lear Kurti që humbi jetën gjatë shoqërimit nga policia në kryeqytet, u gjet një qese brenda së cilës dyshohet të ketë patur lëndë narkotike.
I riu kishte arritur pak para se të kapej nga efektivët, të gëlltiste dy qese të vogla me një sasi kokaine brenda saj. Qeset janë të përmasave 5×5, të ngjashme me ato qeset që përdoren në farmaci për medikamentet. Sipas ekspertizës, shkak i vdekjes të Kurtit është arrest kardiak i shkaktuar nga overdoza.
Lear Kurti ndërroi jetë pak pasi u shoqërua në Komisariatit nr 3 në Tiranë, pasi nga përpjekja për t’i shpëtuar policisë, sipas ekspertizës gëlltiti 3-4 doza kokainë.
