Pas konferencës së delegacionit të Parlamentit Evropian, dërguar në Tiranë për krizën politike, kanë ardhur reagime të shumta nga Lëvizja Socialiste për Integrim.
Fillimisht ishte Kryemadhi që reagoi shkurt, e më pas kreu i grupit parlamentar Vasili, i cili madje guxoi t’i akuzonte ata se “janë të blerë me paratë e pista”.
Në sulmin ndaj eurodeputetëve janë përfshirë edhe deputetet e reja të dorëhequra nga mandati, Floida Kërpaçi dhe Kejdi Mehmetaj.
Kjo e fundit ka replikuar në Twitter me eurodeputetin Fleckenstein, teksa shkroi:
“I dashur Knut. Shqiperia eshte shtepia ime dhe une pres nga qeveria ime, asgje me pak nga sa prisni ju nga qeveria juaj ne Gjermani. As nuk dua ta imagjinoj cfare mund te ndodhte ne vendin tuaj, nese qytetaret do te vuanin vetem nje perqindje te vogel te asaj qe vuajne shqiptaret. Te lutem na ler te bejme detyren tone. Ju po mendoni per zgjedhjet e Majit, ne po punojme per te ardhmen e Shqiperise».
Më tej, reagoi Kërpaçi në një postim në Facebook, ku akuzon eurodeputetët se janë kundër interesit të shqiptarëve.
«FALEMINDERIT PER ASGJE pasi shikimi juaj i mjegulluar nga qeveria e krimit nuk i sherben qytetareve.
Me rinine, me qytetaret, per ta bere shqiperine shtepine tone!”, shkruan ndër të tjera Kërpaçi.
Postimi i plotë i saj:
Zyra komode ne Bruksel e Knutit dhe ketyre Eurodeputeteve, per fat te keq kunder interesave te Shqiptareve.
Udhehiqemi vetem nga kerkesat e rinise shqiptare e cila sot po vuan papunesine, vdekjen e shpreses dhe si asnjehere me pare kerkon te largohet nga vendi.
FALEMINDERIT PER ASGJE pasi shikimi juaj i mjegulluar nga qeveria e krimit nuk i sherben qytetareve.
Me rinine, me qytetaret, per ta bere shqiperine shtepine tone!
Asnje hap pas!
