Të dy anëtaret e Gjykatës Kushtetutese, të cilat kanë futur sistemin në një përplasje institucionale, sot pritet të kenë edhe ‘përplasjen’ e tyre të parë, se kujt i takon me legjitimetet posti si anëtar i Gjykatës Kushtetuese.
E para që ka mbërritur në ambientet e Gjykatës ka qenë gjyqtarja Arta Vorpsi. Kujtojmë që ajo u zgjodh nga Kuvendi dhe u betua dje para një noteri publik dhe nuk njihet nga presidenti.
Nga ana tjetër, Presidenti Meta, për të të njëjtin post njeh Marsida Xhaferrllarin, e cila bëri dhe betimin dje para presidentit, por që nuk njihet nga Kuvendi.
Sot, do të shihet sesi do të zhvillohet më tej kjo ngjarje. Kuptohet qartazi, që qëndrimet përplasëse ndërmjet presidentit dhe kuvendit kanë future në zgrip të gjitha institucionet.
Dje në Presidencë u zhvillua ceremonia e betimit të 3 anëtarëve të Gjykatës Kushtetuese.
Elsa Toska, u bë anëtarja e dytë e Gjykatës Kushtetuese pas Besnik Muçit. Më pas u betuan Fiona Papajorgji dhe Marsida Xhaferllari.
