Temperaturat e larta bëjnë që shishet me ujë të bëhen pjesë e pandara e jona, megjithatë të gjithë ne bëjmë një gabim me përdorimin e tyre.
Kështu, shpesh e ripërdorim shishen plastike duke e rimbushur me ujë, pa e ditur që ky veprim dëmton shëndetin tonë.
Kjo për arsyen e thjeshtë se shishet plastike janë prodhuar për t’u përdorur vetëm një herë, pra janë një përdorimshe dhe kanë potencialin të lëshojnë kimikate për të mbajtur baktere të dëmshme.
Në veçanti ka shqetësime për Bisphenol A (BPA), një kimikat, i cili përdoret për të prodhuar plastikën dhe mund të ndërhyjë në hormonet e njeriut.
“Disa kimikate të zbuluara në shishet plastike mund të prekin çdo sistem të trupit tonë. Mund të ndikojnë në ovulim, të rrisin rrezikun e problemeve të shtyrë nga hormonet si PCSO, kanceri i gjirit, endometrioza dhe shumë të tjera”, paralajmëron doktoresha Marilyn Glenville.
Në një tjetër studim të drejtuar nga Treadmill Rivievv, studiuesit kanë testuar në laborator bidonat e ujit pas përdorimit nga një atlet për një javë dhe zbuluan se një numër i madh bakteresh kalonin 900 mijë njësi formimi koloni për cm katror, shkruan Dita.
Gjithashtu u gjet se 60% e mikrobeve që gjetën në shishet e ujit ishin në gjendje të sëmurnin njerëzit.
Kështu, këshillohet të mos i ripërdorni shishet plastike, por pasi ta konsumoni lëngun brenda bidonit, ricikliojini ato.
