Përhapja e koronavirusit në vend ka bërë që qeveria të marrë masa drastike, për të frenuar më tej përhapjen e virusit.
Shumica e bizneseve janë mbyllur, përveç atyre më të rëndësishme: furrat e bukës, supermarketet dhe farmacitë.
Mirëpo një tjetër alarm ngrihet sa i përket bukëve që shiten nëpër furra. Shoqata e Bukës, Pastiçerisë dhe Brumërave sugjeron që për arsye sigurie buka të mos pritet më.
Sipas shoqatës, prerja me makineri rrezikon në maksimum shëndetin e klientëve, pasi mund të prishë guackën mbrojtëse të bukës që është pjekur me temperaturë 230-240°.
Kjo sipas tyre mund të çojë në pasoja shumë të mëdha për intoksikimin.
Njoftimi i plotë:
Të nderuar kolegë nisur nga shqetësimet e vazhdueshme është e nevojshme të ritrajtojmë edhe njëherë problemin e prerjes bukës. Është tepër e nevojshme ndalimi në mënyrë absolute i prerjes bukës, pasi rrezikon në maksimum shëndetin e klientëve .
Një buke e prerë do të thotë prishja e guackës mbrojtëse të bukës që është pjekur me temperaturë 230-240 °,dhe prishja e kësaj guacke krijon pasoja shumë të mëdha për intoksikimin.
Në kushtet e tanishme të Covid-19 është tepër e nevojshme të ndalohet prerja e bukës në mënyrë absolute , kjo tju bëhet e qartë të gjithë klientëve dhe makina prerëse të largohet nga pjesa e prerjes që kemi zakonisht. Në të njëjtën kohë është e nevojshme për furrat e bukës që kanë shërbimin e kafesë të ndalohet kafeja ambulatore sepse kjo krijon premisa për grumbillimin e njerëzve dhe për daljen e tyre nga shpia si një shërbim ekstra që e kemi vetëm ne.
Për të dyja këto kemi vërejtje edhe nga institucionet dhe kërkesa nga klientët , prandaj është e nevojshme që ti zbatojmë për të qënë regull me respektimin e ligjeve te shtetit për këtë periudhë.
