E shtunë, 12 Qershor, 2021
27.5 C
Tirana

Kufiri kritik për rrotacionin: 50% pjesëmarrje

Në mbrëmjen e 25 prillit, edhe Lulzim Basha edhe Edi Rama bënë nga një deklaratë të shkurtër për mediat. Të parit i shndrinte fytyra nga gëzimi, ndërsa të dytit i sterronte fytyra. Daljet e tyre para mediave vinin fill pas njoftimit të KQZ-së se, nga të dhënat e saj paraprake, rezultonte se pjesëmarrja në votimin kishte qenë pothuaj 50%. Një ogur i mirë ky njoftim për Bashën, dhe i zi për Ramën. Andaj dhe fytyrat e secilit i reflektonin ato ogure…

Me pothuaj 50% pjesëmarrje, i binte që pothuaj 1 milion e 800 mijë shqiptarë të kishin votuar. Duke ditur se PS-ja kishte marrë 765 mijë vota para katër vjetësh dhe duke llogaritur kalimin e disa politikanëve (të PDIU dhe LSI) me influenca lokale në krahun e saj, tavani statistikor për votat socialiste ishte diku tek 800 mijë votat. Pra i binte që rreth 1 milion të kishin votuar për partitë opozitare. Gjë që të kujtonte zgjedhjet e 2013-ës, kur ndodhi dhe rrotacioni i fundit i pushtetit…

Por pasi kutitë u hapën dhe të gjitha votat u numëruan nga numëruesit e PS-së, PD-së dhe LSI-së, rezultoi se vlerësimi paraprak i KQZ-së për pjesëmarrjen kishte qenë dramatikisht gabim. Vetëm 46.3% e votuesve në lista (1.66 milion) kishin marrë pjesë në zgjedhje, e jo 50% (1.8 milion)… Dhe nga votat e vlefshme, pothuaj gjysmën e kishte marrë PS-ja; gjë që i siguroi asaj 74 mandate.

Po të shohim historikun e katër zgjedhjeve të fundit parlamentare (të zhvilluara me sistem rajonal proporcional), vëmë re se vetëm në vitin e rrotacionit të pushtetit (2013), pjesmarrja ka qenë mbi 50%. Në zgjedhjet e tjera (që nuk kanë prodhuar rrotacion) pjesëmarrja ka qenë poshtë 50-përqindëshit (shihni grafikun shoqërues).
Ky historik elektoral duhet të shërbejë si udhërrëfyes për këdo që fiton zgjedhjet brenda PD-së më 13 qershor.

Lexo edhe :   'Nuk ishte për fushatë'/ Rama: Fluturime nga Kukësi drejt Stambollit e Zyrihut
Lexo edhe :   Shqipëria anëtare e përkohshme e Këshillit të Sigurimit, reagojnë Rama dhe Meta

 

Pa e frymëzuar elektoratin për pjesëmarrje masive në zgjedhjet parlamentare (kurdo që të zhvillohen ato), nuk mund të ketë siguri për rrotacion të pushtetit. Muri elektoral 800 metra i lartë i ndërtuar prej PS-së mund të përmbyset vetëm me një pjesëmarrje më të lartë të popullit opozitar. Asnjë taktikë elektorale apo kombinim koaliocionesh/listash nuk mund të jetë më efikas se sa pjesëmarrja masive e popullit opozitar në zgjedhje…
- Reklama -

Më shumë nga kategoria




Të fundit

Shpërthimi i kontrolluar i ‘gjobës’ Becchetti

Nga: Agim Baçi Dikur qarkullonte në internet një letër që një vajzë i dërgonte së ëmës, e cila në thelbin e saj lidhej me gjetjen...

Uells-Zvicër/ Pjesa e parë pa gola, portierët vendimtarë me pritjet e tyre

Ka përfunduar me rrjeta të paprekura, pjesa e parë e ndjeshjes midis Zvicrës dhe Uellsit. Një 45 minutësh ku spektakël dhuruan portierët e skuadrave...

Vrasja e 20-vjeçares në Greqi, zbulohet makina me të cilën janë larguar autorët

Zbardhen detaje të reja në lidhje me vrasjen e 20-vjeçare britanike Caroline, e ndodhur pak javë më parë në Greqi. Në emisionin e gazetarit grek...

Fati i kryetarit të PD-së, 3 kandidatët që do të sfidojnë Lulzim Bashën

Nga: Marsela Sinani Lulzim Basha 47 vjeç, Fatbardh Kadilli 55 vjeç, Edith Harxhi 48 vjeçe dhe Agron Shehaj 44 vjeç, aderojnë në të njëjtën parti,...

Salianji: Gruevski si Rama mori mandat të tretë, por ra brenda një viti

Deputeti i zgjedhur i Partisë Demokratike, Ervin Salianji ka bërë një paralelizëm të situatës aktuale politike në Shqipëri, të asaj para disa viteve në...