Deklarata e bujshme e ish-ministrit të Mbrojtjes, Arben Imami ka shkaktuar reagime të forta.
Imami u shpreh mbrëmë se “nuk mund të zëvendësohet Topalli me gra që kanë pjellë nga 3-4 fëmijë”.
Është shkrimtarja Flutura Açka ajo që ka reaguar ashpër ndaj kësaj deklarate, ndërsa pyet se ku janë gratë e pushtetshme që bëjnë peticione kur u lëndohet Vlahutin, si dhe shton se kjo shoqëri ka filluar ta bëjë me turp me falsitetin e saj.
Reagimi i shkrimtares Açka:
Unë jam ‘Nënë me shumë fëmijë’
Të dëgjosh nga goja e një deputeti se qenka turp të jesh ‘Nënë me shumë fëmijë’ dhe kjo të privon të konkurrosh si e barabartë, padyshim mendon se je në një vend barbarësh.
Të dëgjosh KM tënd brekushevarë që fyen dhe qesëndis fshatçe një kandidate perfekte për deputete si Grida Duma , ta zë mendja se vetëm Europë nuk i vjen erë nahisë sonë.
Ku janë ato gratë e pushtetshme që bëjnë peticione (me të drejtë mbase) kur u lëndohet Vllahutin? A nuk kanë ndonjë fjalë të thonë sot dhe të lebetiten? Nëse nuk thonë, nuk janë veçse hipokrite dhe përligjëse vetëm të fondeve që marrin nga Europa për të drejtat (edhe të grave). Kjo shoqëri ka nisur të më bëjë me turp me falsitetin e saj.
