Komisioni i Reformës Territoriale nisi punimet në 1 korrik dhe pritet të përfundojë në 30 shtator, ndërkohë që seancat dëgjimore vijojnë. Ish-deputeti dhe ish-kryetari i Partisë Demokratike në Tropojë, Azgan Haklaj, i është rikthyer sërish çështjes së Tropojës. Dhe më herët ai apeloi duke thënë se Tropoja e sotme s’ka asnjë lidhje historiko-kulturore me Kukësin. Në një shënim në rrjetin e tij social në Facebook, ai njofton se janë në pritje të vendimit të Këshillit Bashkiak të “Tropojës” për kthimin në identitet: Heqjen e emrit sllavë Tropojë dhe vendosjen e emrit shqiptar.
Propozimi ka dy emra Dardania Alpine (Malësia e Dardanisë), ose Malësia e Gjakovës. Azgan Haklaj sqaron opinionin publik se meqenëse grupet parlamentare të punës po hartojnë ndarjen e re administrative, dhe në Malësinë e Gjakovës “Tropojë” po firmoset një peticion kërkesë për dhënien e statusit prefekturë, propozojnë që kësaj nisme mund ti bashkohet dhe Hasi sepse historikisht është thirrur Has e Malësi nga Pashriku në Jezercë dhe në kohën e Mbretërisë Shqiptare kanë qenë një prefekturë.
Prejardhja e përkatësisë së zonave urbane është e larmishme. Ajo kalon përmes një përshkimi historik që nga kohët e hershme, deri tek qytezat industriale. Seancat dëgjimore në Komisionin e Posaçëm për Reformën Administrativo Territoriale po shkojnë drejt përfundimit.
Statusi
Kthim në identitet!
Po presim vendimin e Këshillit Bashkiak të “Tropojës” për kthimin në identitet:
Heqjen e emrit sllavë Tropojë dhe vendosien e emrit shqiptar.
Propozimi ka dy emra Dardania Alpine(Malësia e Dardanisë), ose Malësia e Gjakovës.
Meqenëse grupet parlamentare të punës po hartojnë ndarjen e re administrative dhe në Malësinë e Gjakovës “Tropojë”po firmoset një peticion kërkesë për dhënien e statusit prefekturë propozojmë:
Kësaj nisme mund ti bashkohet dhe Hasi sepse historikisht është thirrur Has e Malësi nga Pashriku në Jezercë dhe në kohën e Mbretërisë Shqiptare kanë qenë një prefekturë.
Nismës për heqien e toponimeve të huaja dhe kthimin në identitet duhet t’i bashkohet pushteti lokal në gjithë Shqipërinë sepse sot mbi 20% e territorit shqiptar ka emërtim sllav por pa llogaritur emërtimet, latinisht, greqisht, bullgarisht, osmanisht.
Në vitin 1920 pati një përpjekje nga Parlamenti i dalë nga Kongresi i Lushnjes të frymëzuar nga patriotizmi dhe nacionalizmi pa patur dokumentet historike-shkencore dhe e njëjta gjë u ripërsërit në vitin 1937-të nga Mbretëria Shqiptare, por mbeti e pa realizuar sepse në vitin 1939-të u pushtuam nga nazifashistët.
Greqia në vitin 1936-të krijoj një komision për heqjen të gjithë emrave në territorin e saj që nuk ishin në gjuhën greke.
Këtë proces e ka kryer pothuajse gjithë Europa.
