Ish-banorja e “Big Brother”, Bertina Mehmeti, pas 3 vitesh në Dubai është kthyer Shqipëri. Ajo ka qenë një prej banoreve më të komentuara në edicionin e tretë të reality show-t. Vitet e fundit, në artikuj të ndryshëm, për të shkruhej se ajo bënte jetë luksi mes sheikëve. Por që në realitet, asgjë nuk ishte ashtu sikundër përflitej për të.
“Gjithmonë kam menduar që nuk do të kthehesha në Shqipëri. Por mesa duket, Zoti nuk ka qenë dakord. Për shkak të disa gjërave familjare, jam sërish në Shqipëri”, zbuloi Bertina, teksa ishte e ftuar në emisionin “Thumb”.
Ajo rrëfeu jetën e saj në Dubai, duke theksuar se kanë qenë tre vite pune të lodhshme në kompanitë ku ka qenë e punësuar, krejt e kundërta e atyre që ka lexuar për veten në media.
“Kam parë gjithmonë të përflitet “Bertina mes sheikëve, Bertina mes jetës luksoze…”. Bertina punonte si indianet që ishin aty. Shumica kam përshtypjen e ngatërrojnë, se kujtojnë se çdo arab është sheik. Sheik moj motër, janë këta që kanë pasuri shumë të madhe, dhe vijnë nga familje mbretërore.
Shqipëria nuk më pëlqen. Ta dini. E di që do më thonë: “Je antishqiptare”, por nuk më pëlqen. Nuk më pëlqen energjia negative që kanë njerëzit. Nëse këtu shikojnë dikë i cili arrin diçka, është i suksesshëm, e kanë gjithmonë si tendencë, që pse ai duhet të jetë atje”.
Bertina rrëfeu ndër të tjera se normat e veshjes për gratë ndikuan edhe tek ajo. “Kushti primar që kanë sheikët që të të marrin për grua, është që të mbulohesh. Por diçka që s’do ta pranoja dot kurrë, ishte të mbulohesha”.
