Një çift shqiptar është kapur e 5 kilogram kokainë në aeroportin e Romës në Itali. Sipas të dhënave të para, çifti kishte shkuar me pushime në Brazil, për muaj mjalti nga ku edhe po ktheheshin.
Gjatë kthimit nga Brazili për në Shqipëri, çifti ishte tranzit në Itali, ku dhe janë kapur me 5 kilogramë kokainë.
Teksa policia italiane ka tentuar t’i kontrollojë, gruaja ka thënë se ishte shtatzënë duke kundërshtuar dhe kërkuar që të vazhdonin. Madje bashkëshorti ka nxjerrë edhe ekografinë për t’iu thënë forcave të policisë se bashkëshortja ishte në rrezik dështimi.
Pavarësisht këmbënguljes së tyre për të mos u kontrolluar, policia ka hapur valixhet dhe në një fund të dyfishtë ka zbuluar 5 kg kokainë të pastër.
Mediat italiane shkruajnë se kokaina e gjetur në valixhe kap vlerën e 2 milionë eurove. Ende nuk dihet identiteti i çiftit shqiptar, që u kap me kokainën me vlerë marramendëse.
