Kryetari i komunës së Vushtrrisë në Kosovë, Xhafer Tahiri, ka rezultuar pozitiv me koronavirus.
Lajmin e ka bërë vetë të ditur Tahiri, përmes një postimi në rrjetet sociale. Ai bën me dije se ka shfaqur disa simptoma të lehta, por se është në gjendje të mirë shëndetësore.
Postimi i plotë:
Pas disa simptomave të shfaqura, dje jam testuar për Covid 19, ndërsa sot mora njoftimin nga IKSHPK që jam pozitiv me Covid 19. Kam disa shenja të lehta por fal Zotit jam mirë me shëndet. Nga dje jam në vetizolim. Do të vazhdojë të kryej detyrat nga shtëpia, ndërsa Nënkryetari do të jetë përgjegjës për të gjitha veprimet ditore në Komunë.
Familja ime gëzon shëndet të plotë dhe po zbatojmë rekomandimet e mjekëve.
