Kryetari i KLP-së Gent Ibrahimi në ambientet e Eurojust në Hagë, takoi Presidentin e Eurojust Ladislav Hamran. Zoti Ibrahimi u shpreh se “kemi nënshkruar tashmë marrëveshjen e bashkëpunimit me Eurojust dhe do të caktojmë së shpejti një prokuror pranë saj”.
Ai theksoi se Eurojust do të bashkëpunojë me SPAK dhe BKH në operacione ndërkombëtare në luftën kundër korrupsionit dhe krimit të organizuar. Takimi në fjalë u realizua në kuadër të prezantimit të zbatimit të Reformës në Drejtësi dhe krijimi i institucioneve të reja SPAK dhe BKH.
