Sot shqiptarët shënojnë Ditën e Alfabetit Shqip, i cili u njësua në Kongresin e Manastirit.
Kryeministri i Maqedonisë së Veriut, Zoran Zaev publikoi sot në rrjetin e tij social “Facebook” një video urim me rastin e shënimit të 22 nëntorit , Ditës së Alfabetit të Gjuhës Shqipe.
“Së bashku rritemi, mësojmë, zhvillohemi, 111 vjet. Urime Dita e Alfabetit të Gjuhës Shqipe”, shkruhet në video-urimin e Zaevit.
https://www.facebook.com/zaevzoran/videos/461984504433843/?t=1
Kongresi i Manastirit u zhvillua mes 14-22 nëntorit të vitit 1908. Në të morën pjesë 50 delegatë nga 26 qytete të ndryshme, klube dhe shoqata. Në këtë Kongres u miratua vendimi që të pranohet alfabeti latin me disa ndryshime të shkronjave duke i përshtatur ato për gjuhën shqipe.
Në Manastir, në atë kohë, kanë marrë pjesë intelektualë shqiptarë nga të gjitha trojet shqiptare, pasi qyteti ka qenë qendër e konsujve dhe ishte më i sigurt për mbarëvajtjen e këtij procesi të rëndësishëm kombëtar.
Kryetar i Kongresit u zgjodh Mid’hat Frashëri, kurse nënkryetarë ishin Luigj Gurakuqi dhe Gjergji Qiriazi, ndërsa motra e tij Parashqevi Qiriazi, ishte gruaja e vetme në këtë Kongres.