Kryeministri Edi Rama ka zhvilluar një takim me ish-kryeministrin e Kosovës, Albin Kurtin.
Mësohet se takimi është mbajtur në selinë qendrore të LVV-së në Prishtinë. Në takim ka marrë pjesë edhe ministri në detyrë për Evropën dhe Punët e Jashtme, Gent Cakaj.
Më vonë gjatë ditës së sotme, Rama do të zhvillojë një takim edhe me presidentin e vendit, Hashim Thaçi. Ky i fundit pritet të dalë sonte në një konferencë për shtyp, për të folur për herë të parë në lidhje aktakuzën e ngritur ndaj tij në Gjykatën e Hagës.
Konferenca supozohej të mbahej mbrëmjen e djeshme, por zyra e presidencës njoftoi për shtyrjen e saj. Në vend të kësaj, Thaçi vendosi të shkonte të takonte prindërit në fshatin e tij të lindjes.
