Kryeministri Edi Rama ka publikuar mëngjesin e sotëm një video me pamje të liqenit të Banjës dhe rrugës së re Banjë-Gramsh.
“Mirëmëngjes dhe me këto pamje fantastike të liqenit të Banjës dhe të rrugës së re Banjë-Gramsh, ju uroj një ditë të mbarë”, shkruan Rama teksa publikon videon.
Si çdo herë, nuk kanë munguar komentet, të cilat janë pozitive, por edhe negative. Megjithatë një komentues ka kapur një detaj në video dhe ka bërë ironi me kryeministrin.
Në videon e filmuar me dron, duken dy automjete që parakalojnë në vijën e pandërprerë, ndërsa qytetari bën ironi duke u bazuar te reklama e famshme e kryeministrit me gjobat dhe shkruan:
Zoti kryeministër besoj që shteti I ka dërguar gjobën tek dera atyre 2 makinave që parakaluan në vijën e pandarë së do të ngelemi pa shkolla kopshte dhe spitale pastaj…
