Edi Rama ka dhënë një intervistë për gazetën prestigjoze italiane ‘La Stampa”, ku sa i takon çdekretimit të 30 qershorit nga Meta, kryeministri tha se me këtë akt ai firmosi vetëvrasjen e tij politike.
Presidenti i Republikës nuk i njeh zgjedhjet tuaja? Çfarë do të ndodhë tani?
“Po zhvillohet një procedurë ‘impeachment’ për Illir Metën, do të shkarkohet nga Parlamenti për shkelje të rëndë antikushtetuese. Duke mbështetur bojkotimin e zgjedhjeve, dekretoi vetëvrasjen e tij politike, duke shoqëruar drejt harakirit të gjithë opozitën”.
Rama, i cili shquhet për veshjet e tij dhe stilin e tij unik, ka sjellë në fokus gjatë intervistës dhe atë se çfarë është komentuar për të gjatë ditës së zgjedhjeve. Një vemendje e shtuar ishte për të, pasi kishte zgjedhur të mbante veshur një xhaketë dhe pantallona të shkurtra. Kjo tashmë nuk përbën më risi, e ndërsa Rama duket se nuk e ka zgjedhur pa arsye.
“Më kanë kritikuar pasi votova i veshur me një xhaketë elegante, dhe pantallona të shkurtra me çorape. Kujtohuni që kam qenë i pari që kam veshur atlete me kostum. Sot jam në modë: bëj tendencë”, ka thënë Rama gjatë intervistës.
Nëse kthejmë kokën pas, e i referohemi ‘këmbanës së alarmit’ dhënë sot nga Meta, kreu i Shtetit vuri në dukje se ka mbështetjen e 85% të shqiptarëve për aksionin e tij kundër qeverisë “Rama”. Po kështu, ai paralajmëroi që askush të mos e provokojë “kokëfortësinë” e tij.
Meta tha ndër të tjera në deklaratën për media se nuk është krizë politike, por krizë e shtetit dhe se ai ka axhendë Rama reflekto dhe jo Rama ik.
“Kjo është një krizë e shtetit të së drejtës. Kryetari i shtetit është presidenti, jo kreu i qeverisë. Presidenti ka përgjegjësi për pluralizmin politik, dhe të bëjë më të mirën që shqiptarët të mos përplasen.
Opozita ka axhendë Rama ik, unë e kam Rama reflekto. Opozita do zgjedhje të përgjithshme, të gjitha bashkë, ndërsa unë them se pa zgjedhje me standarde më të mira se ato që kishim, nuk na çelen negociatat. Më duket absurd kushti që të hetohen ata të Dibrës. Ky është gabim.
T’i kërkosh të hetojë veten. Dhe Bashës i kam thënë; të mos i shmangin institucionet. Nëse do i dëgjonin këshillat e mia, opozita që në vend të fishekzjarreve të përdornin dajre, as 5% s’do kishin shkuar të votojnë. Nuk i kërkoj Edit të japë dorëheqjen. Ne nuk kemi frikë nga populli. Ne nuk do asistojmë demokracinë se kemi frikë nga populli, nga vota”, tha Meta.
Rama për “La Stampa”: Duke mos shtyrë zgjedhjet, mbrojta demokracinë
