Situata të Libi pritet të tensionet edhe më shumë në ditët në vijim. Mësohet se rreth dy mijë luftëtarë sirianë kanë kaluar kufirn turk dhe do të angazhohen në luftë kundër forcave të gjeneralit Khalifa Haftar.
Kujtojmë që më herët Turqia shprehu mbështetje ndaj kryeministrit libian, Fayez al-Sarraj. Ky i fundit ka kërkuar dhe mbështetjen e OKB-së duke qenë i sfiduar forcat e gjeneralit Khalifa Haftar, të cilat e kontrollojnë pjesën lindore të Libisë.
Ankaraja e ka përkrahur opozitën siriane që nga ditët e para të përleshjes me regjimin e diktatorit Bashar al-Assad dhe tash po i përdor rebelët kundër forcave kurde, pavarësisht dyshimeve të vëzhguesve për shkeljen e të drejtave të njeriut.
“Kjo është një situatë shumë më ndryshe sesa ajo e Sirisë. Qëndrimet anti-turke tashmë janë të fuqishme për shkak të ndërhyrjes së Ankarasë dhe mund të rriten edhe më shumë pas këtij veprimi, duke e favorizuar Haftarin”, tha Claudia Gazzini, analiste e Grupit Ndërkombëtar të Krizave.
Luftëtarët sirianë kanë nënshkruar kontrata 6-mujore me qeverinë libiane dhe do të paguhen dy mijë dollarë në muaj, shumë më shumë sesa paga prej 90 dollarësh që e merrnin në Siri. Përpos pagave, të gjithë luftëtarëve u është premtuar shtetësia turke, shkruan “The Guardian”.
