Kryeministri britanik, Boris Johnson, ka mbështetur vendimin e qeverisë së tij për të futur në karantinë udhëtarët që vijnë nga Spanja.
Këtë vendim, Johson e justifikoi duke thënë se ka shenja të valës së dytë të koronavirusit në disa pjesë të Evropës.
“Ajo që duhet të bëjmë, është të ndërmarrim veprime të shpejta, kur mendojmë se rreziqet kanë filluar të rriten sërish”, tha ai
Sipas tij, individët duhet të vendosin vetë nëse duan të rrezikojnë dhe të shkojnë jashtë vendit në rrethanat aktuale.
“Le të jemi plotësisht të qartë për atë që po ndodh në Evropë, në mesin e disa miqve tanë evropianë… Unë druaj se në disa vende kanë nisur të shihen shenjat e valës së dytë të pandemisë”, shtoi ai.
Komentet vijnë pasi kryeministri i Spanjës, Pedro Sanchez, tha se vendimi i Mbretërisë së Bashkuar për të ndryshuar rregullat për Spanjën, është i padrejtë.
