Pas takimit të kryeministrit të Austrisë, Sebastian Kurz me kreun e FRPD-së, Belind Këlliçi janë zbardhur detaje.
Belind Këlliçi, bashkë me Sekretarin për Marrëdhëniet me Jashtë të FRPD, Besart Xhaferri, patën rastin te takojmë kryeministrin austriak në kongresin e 26 të Junge ÖVP (Forumi Rinor i Partisë Popullore Austriake), që u mblodh për zgjedhjen e pasuesit të Sebastian Kurz, pas fitores së tij në zgjedhje.
Kryetari i FRPD e uroi kryeministrin Kurz për fitoren e zgjedhjeve dhe e falënderoi për mbështetjen qe i ka dhënë Shqipërisë gjatë mandatit të tij 4 vjeçar si Ministër i Jashtëm i Austrisë.
Kryeministri Kurz garantoi drejtuesit e FRPD se si shtet anëtar i BE, vëmendje të veçantë do të ketë ndaj politikave për të rinjtë, fuqizimit të tyre, si dhe krijimit të mundësive për arsimim dhe punësim.
