Kryetarja e LSI-së Monika Kryemadhi, ka hedhur akuza të rënda mbi ambasadorët. Ajo është treguar mjaft e drejtëpërdrejtë, duke u kërkuar që të mënjanohen e të mos japin asistencën e tyre, pasi për të është e tepruar.
Duke qëndruar në të njëjtën linjë, Kryemadhi u dha mesazhe të qarta, se askush nuk duhet të japë urdhra në Shqipëri, pasi nuk janë Zot në këtë tokë.
“Ai (Bernard Borchardt) ka probleme këtu, duhet të jetë shumë i kujdesshëm se po ti bëhet Vettingu atij, dhe ndonjë tjetri nuk dihet si del. Shqiptarët nuk janë qen dhe mace dhe të bëjë si të dojë ai, se këtu është buka dhe jeta e shqiptarëve, ai ikën dhe nuk e kthen më kokën pas.
Duhet të kenë kujdes ambasadorët kur flasin për shqiptarët, se nuk janë Zot këtu. Meta, Rama dhe Basha e kanë tjetër gjuhën me ndërkombëtarët, ndërsa unë tjetër dhe do e çoj deri në fund.
Nëse këta ambasadorët që po bëjnë xhiron e velinave të Parlamentit, pasi futja e hundëve në punët e një shteti dhe ngatërrimi me segmente anti shqiptare është shumë e rrezikshme”, deklaroi Kryemadhi.
