Kryetarja e LSI-së, Monika Kryemadhi, e ftuar në ‘RTV ORA’, tha se opozita ka ndjekur hapa të kujdesshëm, për largimin e Ramës nga pushteti. Duke renditur një sërë faktorësh për rrëzimin e vendit drejt humnerës, ajo e lidh me faktin se kryeministri Rama është një lider krimial.
“Sepse mos harrojmë që nuk kemi përballë një lider politik, që për hir të shumë arsyeve të ndryshme, kemi kaluar kryeministra të ndryshëm, apo në vendosjet politike të liderit të fortë apo tolerant. Ndoshta më pak prezentë mediatikë. Sot kemi një lider kriminal, i grupeve kriminale”.
E pyetur se cila është strategjia për ti dhënë goditje kësaj qeverie, Kryemadhi iu referua edhe thumbimeve të Ramës për të ashtëquajturën ‘opozitë e rrugës’.
“Rama e di shumë mirë se ç’është opozita e rrugës. Harron që fjala rrugë është jetë, sepse pa rrugë njerëzit nuk kanë ku ecin. Rrugët janë instrumenta të daljes nga kriza, të shumë problemeve. Pa rrugë nuk ka zhvillim”.
Po kështu, Kryemadhi dha sqarimet edhe për radikalizimin nga ana e opozitës. “Fjala radikale ka të bëjë me radikalizimin antinjerëzor të Ramës për popullin”.
