Kryetarja e Lëvizjes Socialiste për Integrim, Monika Kryemadhi në një deklaratë për median tha se Edi Rama dhe Saimir Tahiri fshehin kriminelët që të mos dalë në shesh e vërteta. Reagimi i Kryemadhit erdhi pas deklaratës së Ministrisë së Brendshme se nuk i gjeti në banesë pas kontrolleve 3 policët, pas urdhër-arresteve të lëshuara nga Prokuroria për Krimet e Rënda për tre policët. Kryemadhi tha se “rendi nuk ekziston në Shqipëri dhe kjo sot u vërtetua më shumë se kurrë”.
Gjithashtu, Kryemadhi tha se mbështet deklaratën e ambasadorit amerikan në OSBE i cili tha sot se Tahiri është i përshirë në trafikun e drogës në Itali.
Kryemadhi: Rendi nuk egziston më në shqipëri. Përfshirja në trafikun ndërkombëtar të trafikut të lëndëve narkotike të kupolës së policisë së shtetit vërteton dhe një herë akuzat tona dhe të një pjese të medias se narkoshteti nuk ka ndaluar aktivitetin e tij. Përkundrazi, me fshehjen që po I bën tre të akuzuarve të drejtësisë po vëerteton përpara shqiptarëve se vijon të jetë pjesë e banditizmit të habilajve apo të bandave të tjera që kanë në pronësi drogën në Shqipëri. Sot e kësaj dite nuk janë ndaluar vëllezërit Habilaj, në kërkim. Vetëm Rama e Tahiri e dinë se ku fshihen, dinë lëvizjet e tyre. Ata kanë frikë se ndokush nga ata flet dhe nxjerr emrin e Ramës, përgjegjësin kryesor të kanabizimit të vendit. Ai ka më shumë frikë se tre policët e akuzuar, apo Haki Çako, njësoj të komplikuar në trafikun e drogës, ku fituan para për blerjen e votave më 25 qershor. Duhet të bashkojmë forcat e të shporrim një herë e mirë këtë qeveri krimi . Heshtja e tyre nuk do i shpëtojë dot nga fajësia e rrënimit të Shqipërisë.”
