Kryetarja e Lëvizjes Socialiste për Integrim, Monika Kryemadhi e ftuar në “360 Gradë” nga Artur Zheji në Ora News, u shpreh se vetëm në muajin shtator janë larguar 483 infermierë.
Kryemadhi: Ka kapur policinë, po kapin ekonominë dhe tashmë i janë drejtuar drejtësisë. Është trekëndëshi i Bermudës. Ty të është ulur numri i papunësisë nme 13%. Janë hapur vende të reja pune? Jo! Të ka ikur rinia. Vetëm në shtator 483 infermierë janë larguar për në Gjermani. Rinia nuk e shikon të ardhmen këtu. Këtu do të ngelen vetëm pleq dhe ne politikanët.
Luarasi: Njerëzit janë të lirë dhe duhet të shkojnë ku duhet të kenë më shumë para.
Kryemadhi: Kjo është teori sorosiane, e cila s’ka rëndësi vendi, s’ka rëndësi besimi. Unë jam kundër kësaj. Për mua ka shumë rëndësi besimi, nacionaliteti që ti përfaqëson.
