Kryetarja e LSI-së, Monika Kryemadhi deklaroi se nëse kryetari i Partisë Demokratike, Lulzim Basha nuk e pranon në bashkëqeverisje planin e saj me 5 pika për ekonominë, atëherë ajo nuk ja jep votat e partisë.
E fuar në emisionin ”Open”, Kryemadhi u shpreh se plani me 5 pika i LSI-së është i panegociueshëm dhe Basha nëse do të bëjë koalicion paszgjedhor me të, duhet ta pranojë.
Monika Kryemadhi: ”Unë kam planin tim me 5 pika. Është i panegociueshëm. Nëse Basha nuk e pranon këtë planin tim me 5 pika nuk ja jap votat.”
Pyetje: ”Çfarë do bëni ju? Do rrëzoni qeverinë e Bashës?”
Monika Kryemadhi: ”Çfarë? Jo, unë s’ja jap votat Bashës nëse nuk e pranon këtë plan me 5 pika. Janë të panegociueshme. Ky (Arjon Sulo) le ta mbylli gojën tani dhe të flas unë. Ky s’të lë të mbarosh logjikën dhe bën matematikë. Taksa 5% formalizon ekonominë. Formalizimi i eekonomisë do të thotë që oligarkët që bëjnë transaksione fiktive, do e pësojnë. Formalizim do të thotë më shumë investime në arsim. Do dyfishojmë pensionet duke ia marrë lekët këtyre oligarkëve.”
Plani me 5 pika i LSI
-Çdo fëmijë do ketë në llogarinë e tij 1000$ që kur lind deri në moshën 25 vjeç.
-1% e të ardhurave do t’i merren 200 kompanive VIP dhe do të shkojnë për arsimin.
-5% e shpenzimeve të çdo familje do të rimbursohet nga shteti.
-Përjashtimi nga taksat i çdo familje me të ardhura nën 35 mijë lekë të vjetra
-Arsimi do mbështetet me 5% të prodhimit të brendshëm bruto
