Kryetarja e LSI-së, Monika Kryemadhi është nisur drejt bulevardit “Dëshmorët e Kombit”, e shoqëruar me simpatizantë të saj, ku ka deklaruar se tashmë kryeministri Rama është i vetëm, ndërsa shqiptarët e dalë në shesh ia kanë dhënë një mesazh të qartë atij.
“Qytetarët kanë ardhur nga e gjithë Shqipëria, janë të qeshur për t’i treguar Ramës që mbaroi koha e tij. Ka 20 vjet në pushtet, Rama duhet ta kuptojë që shqiptarët nuk janë me të. Sot është pjesëmarrje e jashtëzakonshme e të rinjve dhe të rejave, shikoj që njerëzit janë entuziastë, të varfër ekonomikisht, por tregon që kanë një fije shprese. Ky është një sinjal i jashtëzakonshëm. Çizmja nuk është për shqiptarët, por për ata që kanë pushtuar të ardhmen e shqiptarëve. Tepsinë donte, tepsinë mori, ja ku e ke. Protesta provon që shqiptarët janë këtu të gjithë, ai është vetëm!”, tha Kryemadhi. TIRANA TODAY
