Në pasditen e sotme u mbajt konventa e Lëvizjes Socialiste për Integrim, për të zgjedhur edhe kreun e partisë. Pas dorëheqjes së Petrit Vasilit nga ky post, në mbledhjen e sotme të Konventës u votua që në krye të kësaj force politike të jetë Monika Kryemadhi, e cila prej muajit maj mban postin e nënkryetares. Kryemadhi tashmë si kryetarja e re e LSI-së, në fjalimin që mbajti në veç falënderimeve ndaj mbështetësve të kësaj force politike mund të veçohet për gjestin e “mea culpa” duke kërkuar falje për qëndrimin që ka mbajt kjo forcë politike gjatë qeverisje me Ramën. Është rasti i parë që një kryetare partie kërkon falje për të gjitha veprimet dhe mosveprimet që kjo parti ka bërë në drejtimin e dikujt tjetër. Kryemadhi mori mbi veten të gjitha përgjegjësitë dhe tha se nuk është turp që të pranish gabimet. Gjithashtu, në Konventë u zgjodh Luan Rama si zëvendëskryetari i ri LSI-së dhe Erisa Xhixho si nënkryetare e kësaj force politike. Duhet theksuar së LSI-ja në organet drejtuese ka kryetarin, zëvendëskryetarin dhe dy nënkryetarë.
“Dua t’ju kërkoi falje për bashkëqeverisjen me Rilindje. Duhet të kërkojmë falje që nuk folëm aq sa duhet kur Shqipëria po jepej e gjitha me koncesion. Ne nuk folëm hapur dhe qartë sepse e bënë këtë në emër të fjalës së dhënë. Ky ishte gabimi ynë ku ne nuk folën që Shqipëria po kthehej në një plantacion grogë. Ne nuk reagon mjaftueshëm për ligjin e arsimit të kartë që duhet të kishim bojkotuar dhe parlamentin. Për të gjitha këto ne mbajmë përgjegjësi. Nuk është turp që të pranish gabimet. Turpi është i atyre që i nisësh dhe vazhdosh dhe sot me planet e tyre po shkatërrojnë Shqipërinë dhe shqiptarët” tha Kryemadhi.
