Kryetarja e LSI-së Monika Kryemadhi mbrëmjen e sotme ishte e ftuar në emisionin “Provokacija” prej ku deklaroi se presidenti Ilir Meta do vijojë deri në fund t’i japë oksigjen Ramës.
“Meta do vijojë deri në fund t’i japë oksigjen Ramës, se Ilir Meta është gjithmonë për funksionimin e mekanizmave. Meta gjithmonë i ka dhënë shansin dhe mundësinë Ramës për ta futur në rrugën e legjitimitetit dhe për t’i dhënë oksigjen për ta ulur në tryezën e bisedimeve dhe jemi të lumtur që nuk pranoi më 8 qershor. Ilir Meta është shtetar, është njeriu që nuk e ka pranuar djegien e mandateve dhe do ma përmendë deri ditën që do mbyllë sytë sepse është kundër këtij procesi. Sa radikal është për qëndrime me sovranitetin, aq dhe radikal është për ruajtjen e institucioneve edhe stabilitetit”, është shprehur Kryemadhi.
